Saturday, February 10, 2007
禮物
就來到情人節，哽係要買份禮物俾男友，更何況係我地兩個第一個情人節，一定要送一份可以經得起時間考驗的禮物，因為我唔想我第一份情人節紀念會有「用到殘要掉」的一日，希望就算唔用，至少都可以放響櫃桶底。
買俾男仔又唔要係消耗品，實在唔係好多可以揀，加上我冇錢，可以買的就更少之又少…揀啊揀，買左一份「行野」，雖然幾「行」下，又平平地，但係我覺得佢一定會有用，就只係差攜帶問題，不過應該可以解決。就咁就買左。
剛剛出花紅，忍唔住都買左份禮物俾自己：
本來想買對耳環，不過行過金行（間舖頭係金行開的支線），見到佢，花花，又係特價（推廣價），$240，買得起之餘對得住自己良心。咁就買左，可惜佢冇耳環襯埋，但係咁變左好彩唔駛買多樣野。
男朋友，係咪好想俾$240我當係情人節禮物﹖
噢，掟煲費冇咁平喎！
at February 10, 2007 01:11 | link | comments (1)
太陽能電筒
某日響雜誌上睇到呢個：
「聽筒形免提裝置」！
首先，將裝置插入電話/聽筒度，然後放低電話/聽筒，再拿起呢個聽筒形免提裝置。
註：以上一句請想象從文西口中講出。
而家好多手提/固網電話都有speaker功能，都唔駛用手啦；如果呢個裝置並唔係speaker，咁，我何苦用放低個電話/聽筒，再拿起呢個「聽筒形」裝置﹖就係為左cute D﹖