Saturday, May 27, 2006
係六月廿九號
如題。(不過，講真，我都唔係好記得貓你邊日，十號﹖定係十三號﹖)
貓！你今年有機會喇！我去行街見到好野(係好抵，三折！)，就買左來做你生日禮物！登登登凳！(張相影響麻麻…)
我另外仲買左幾件平衫：
兩件都係Andy Warhol來架！童裝，$59@！貓仔果件有D窄，因為斷碼，冇法…
肥佬都有一件(見我買左兩隻咋…)
我太遲去喇，靚果D冇晒貨咁滯，睇o岩又冇我size(女裝有少量中碼大量大碼；男裝有大量細碼少量中碼…其餘碼一件起兩件止，或者根本冇剩…)，揀左好耐先買到果幾件…唉…！
Wednesday, May 24, 2006
Wish List
睇報紙見到我想買好耐但係仲未有時間去搵o既一本書，突然間就諗起呢個名詞：「Wish List」。
呢個名詞我好耐之前響外國網頁學番來，主要出現響結婚網頁，俾人放個list上網，send婚禮invitation果時俾親戚朋友揀，睇下送乜o岩駛，有D網頁仲有check box俾人mark住邊份有人認投，唔怕重覆。咁就唔怕買錯野你唔o岩用放埋一邊阻圢，掉左佢又唔好意思同o徒野，最尷尬係，人地去到你屋企問起你都唔知點答。
Wish list響外國應該都幾普遍(我冇外國朋友)，因為而家已經有埋birthday wish list同new baby wish list。我認為呢個方法真係幾好，唔駛用腦又環保，可惜香港唔興。
我知，收禮物o既驚喜都好重要，不過，我又認為，老豆老母、男女朋友、老公老婆、阿仔阿女、生死之交…甚至舊情人送，就話有紀念價值，冇用都會收藏，但係聖誕新年果類party聚舊，大家都係志在玩，D禮物一定係以funny為大前提，開心過後，掉左都冇人可惜，所以睇wish list都冇用。
到你真係好認真想買一份禮物去祝福人又唔同，你哽會想對方成日同你份禮物有interaction，所以跟住wish list買一定冇錯，如果真係想有創意，咪揀份人地冇標明牌子、款式同型號lor。
我其實對禮物都冇乜所謂，不過自從做左呢份工之後，就冇乜時間行街，而我現任男友又好鍾意掉野，我已經有一包心愛o既現具、三幾對鞋、好幾件衫、數唔盡咁多未剪報o既雜誌…響我唔知情、唔知點樣、唔情願或迫不得已o既情況下俾人掉左，或者要自己親手去掉。所以我唔希望你地送俾我o既禮物，會因為我用唔著放埋一邊，而唔覺意俾人掉左。
見我生日又就來到，就等我造個wish list出來，等大家同我分擔下，我用少D時間，你又可以用少D腦汁(雖然我知道好少人上來…)。
夢想(幻想)型
- 歐洲/澳洲/日本旅行 (都歡迎大家約我去，我都會自己努力儲錢！)
- 各種顏色寶石手飾 (呢樣留番俾我觀音兵/男友/老公。)
- 一隻阿比尼西亞貓/布偶貓/森林貓… (我諗我過幾年可以自己買到。)
- 學日文/法文/西班牙文/意大利文… (希望我遲下有時學)
實際型
- 《Freakonomics》Steven D. Levitt & Stephen J. Dubner 英文版 (呢本書自己冇時間搵)
- 英文字典 (想解釋可以詳盡少少，同現代o既，但係唔好咁大本。其實我都唔知買邊本好。)
- 中文字典 (有國粵語併音，最好有埋同音字。都係果句：都唔知買邊本好。)
- 美女與野獸 卡通DVD (搵左好耐，希望多D人分頭搵會搵得到。)
- 怪誔城之夜 DVD (冇時間去行shop。)
- Jazz琴譜 (係一般酒廊歌果類，千祈唔好買pop song改編果D，搵笨o既。我都覺得好難搵，踫過好幾次釘。)
- Chamber Music (例如：Quartet, Quintet…) CD (如果份平版同貴版，請買貴版，因為響HiFi聽會好聲D。我冇時間去慢慢揀，由人地送我唔會有意見。)
- 好現又靚o既game set
Don't List
- 衫褲鞋襪 (太容易唔o岩size。)
- 飾物 (我D怪雞taste好難捉。)
- 琴譜 (Jazz譜除外)(我雖然嫌未夠多，但係怕你唔識揀。)
- 家居擺設 (冇位擺喇！)
- 家電 (都係果句：冇位擺喇！)
- 貓用品 (仲係果句：有位擺喇！)
如果你真係會響上面揀一份，請留言丫，唔好留名喎，留番D神秘感俾我！
Tuesday, May 23, 2006
老麥
坐我隔來隻肥西，極唔鍾意響canteen食飯，成日坐公司車出去，但係出到去得返半個鍾，又只係得老麥、雞記同家樂幾間夠快，其實都冇乜選擇，不過肥西個叫都名不虛傳，佢o既偏好係老麥。佢十次出去有九次半都係買老麥食。
今日都唔例外，又出左去。番到來雖然都有野做，不過佢都係要攤開晒來食，食完D野都未收好(其實係仲有一包老麥米，買餐送)，就走左去洗手間。就響呢個時候，火柴人大佬突然手謄腳震咁行埋來，好想收拾肥西張台，仲好緊張咁問我佢去左邊，又問我可唔可以幫肥西收埋佢。我第一時間都知道係老細來左，即刻收啦，就將佢包米收左入佢櫃桶。
點知肥西返到來見到包米唔見左，好不悅咁，又唔敢開口問，後來唔知點俾佢終於發現到包米，就即刻擺番響原位，好似不威咁……都仲未知個死字點寫。
坐坐下，大佬「八」走埋佢旁邊細細聲講左一堆野，後尾問番先知，原來老細留意到有人(佢)出左去一個鐘，返到來仲開餐，走去問高層點解佢出左去一個鐘仲響度食野﹖(仲好似話有派實Q留意添)
好彩我每次出去買野，返到來都冇乜點食！
我個心一邊係覺得好心涼，另一方面又覺得老細都幾怪，不過，作為出糧o既人，會覺得「放左一個鐘飯都仲要響個位度食飯o既人係呃緊公司」，真係無可厚非。
《公司奇異對話錄‧前編》
話說冇精蟲西(又名大聲西、半獸人…等)成日都話自己個(股票)倉幾咁宏偉，開口埋口都係「錢之嘛！我而家冇咩﹖」、「呢D錢﹖對我來講少數目啫！」……之類之類。不過，佢架車只係一架七皮o既cheap尻七人車、百鬆D萬o既樓又話太貴……最燶西係：佢同女友去公司canteen食野都要AA制…唉。
話說佢換左架七人「顫」車之後，一直都未有機會晒命——架車唔快冇人叫佢出去片、冇人俾佢車、月巴大佬又唔知點解唔肯去消夜(我眼見冇精蟲西叫親佢都話唔去)…直至有一晚…
落大雨，一向踩單車上落班o既月巴大佬決定坐的士，冇精蟲西就即時把握機會：「月巴哥，今晚點返屋企呀﹖」
「的士lor。」
「嘻，你呢D大人物，車你又點話！」
「噓，乜咁好死呀﹖」
「乜咁講呀你！我買架新車都係特登用來車你架咋！」
「唉，唔駛咁客氣喇，你架車呢，買來就唔係車我o既，係用來震車(佢搞錯左，應該係「車震」)o既！」
「嘩！我駛唔駛咁樣呀﹖(佢果時把聲突然震震地)租間房要幾多錢啫，我點會俾唔起﹖」
佢一路講緊，月巴大佬一路行開，冇埋過佢，附近D人亦都有理到佢……
其後呢，以我所見，月巴大佬都一直冇坐佢車。
《中編》
今日，大佬「八」突然聯同樓上兩個大佬出去辣更，收隊返到來，冇精蟲西唔理我大大隻坐響度(佢平日唔會行入我範圍果幾個位)，走入來黐住月巴大佬：
「喂，我收到D風喎！究竟個傳聞(傳左好耐會響我呢組裁員)係咪真o既啫﹖」(個樣好姣架！)
「噓！乜野傳聞呀﹖我點知咁多﹖」(月巴大佬係，無論邊個、幾熟走去問佢工作以外o既公司傳聞，都一慨會話唔知o既人。)
「…」當冇精蟲想再熬月巴大佬果時，突然停低，我感覺到佢望左我一下，唔好意思再問落去。(唔係掛﹖你問果時我都已經啤左你一眼架啦，咁都唔醒水﹖你咁有錢，駛乜驚。)
《後編》
都係今晚，我因為要買貓糧，一定要去公司附近果間24超市，月巴大佬又住果頭，同我又幾熟，又落雨(乜咁橋﹖)，就同佢講話車埋佢。
於是放工就等啦，等我司機走人。冇精蟲西見月巴大佬咁耐都唔走，諗住再去獻欣勤：
「乜仲唔走呀﹖」
「我黐車坐呀。」(指一下我，當時我背對住佢地扮聽唔到)
「(姪左一姪)……(好細聲聽唔到，不過應該係問點解會係黐我車)」
「佢去超市，順路丫嘛。」
「……(仲係好細聲)十幾個架喎(架車十幾萬)……(突然大聲番)好，咁你就慢慢等喇！走先！」
《結論編》
唉…小家小到咁緊要又咁出面，我諗都幾難搵到第二個。
Saturday, May 20, 2006
小半日親親大自然
有一個地方，我小學開始就好想去了，學校常常安排在試後活動裏，……可惜老媽一看到通告上印着「車費」兩個字，就說「要錢的不行」，結果我每次考完試都是呆在學校裏過……是一個好大的遺憾呢……
進去了！進去了！
會有藝術品呢！
是來親親大自然，當然有花啦！
不用說也有草的啦！
水管啊！你可是大煞風景呢！
我好想要這樣的溫室……簷篷一直有水流著呢！
愈走愈入了……
你們就站近一些嘛，拜託！
妳看什麼啊看﹖
你要不要來跟我花仔做朋友﹖
好歹我也是個農夫嘛！
我真的可種得出嗎﹖
你們有要求嘛，我會努力的！
再走再走，是一個空中花園。
好累了，是時候回家……
要說再見了，再給我看一眼。
我走了，稻草人，你要好好看家啊！
拜拜！
還欠蝴蝶館未看，我不依！不過一路上也有不少蝴蝶作伴呢！一定要再去！
# 現在去是免費，六月起要收費啊！$10。
Monday, May 15, 2006
輪到我出場！
下之咩嗎薯爹！我係阿B，媽子有時叫我BB！
我知你地個個都唔係咁鍾意我，唔睇好我，不過我知我媽子個心點諗，佢鍚我咪得lor！
大家咪睇我平日個樣懞下懞下咁，就係我呢個懞樣先至可以做乜都得！嘩！呢對玉（肉）手係我私貓專用架！
呢個角度可能唔係咁清楚，俾個第二個你地睇！
哼！我而家苦練緊絕技，我一定會係第一隻做到抱膝翻騰o既貓！
嘿嘿！你咪以為趁媽子訓著左你就可以為所欲為先得架！我呀光天化日，明刀明槍，駛怕你﹖！
我先至唔會好似你咁鬼鼠呀！一定要訓覺架咩﹖我隨時都可以同媽子黐埋一齊架！
Saturday, May 06, 2006
藍色
年初看過相士，他說我水命人，卻五行缺水，而金生水，我亦獨欠金。
令我突然間對藍色改觀，我開始喜歡上藍色。
難得去到老遠那間超市，雖然不想花錢，卻忍不住想買一件平日買不到的東西。看了又看，看上了芝士，黃黃的車打吃的多，巴馬臣才剛剛吃過，羊奶的味太羶…看到藍芝士，雖然以前吃過覺得味道太濃，還是想再試一試，幸好那裏的售貨方式改了一點，現在買切件芝士不用跟售貨員指點（我好怕要跟他們指點，因為不想讓對方知道自己不太認識，而對方有多認識也不會印在臉上。），都小件小件的包好貼好價錢。就選了一件小小的回家。
藍芝士，就是芝士中間有一塊塊藍藍綠綠的，像是發了霉。
吃下味道真的很濃，不過蠻喜歡的，大慨跟人家喜歡臭豆腐的感覺差不多罷，我下次應該伴一些疏菜一起吃。
另外，看了同組師奶們的剪報，學了喝蒜頭醋減肥，就自己試試釀。
釀﹖的確要釀的，拍散蒜頭，放入米醋，封好，放在陰涼的地方，等十至二十天就成了。
又是藍藍綠綠的，又是跟發霉差不多。剪報說沒去芯就會變藍，但功較還是一樣，而且過後慢慢變回原來的顏色。我想我下次應該買一些好一點的醋，本地貨令我有點擔心，下一瓶試用日本醋好了。
Friday, May 05, 2006
幾時先可以解決﹖
早前觀音開庫，我同觀音大使講：「我希望今年係我o既野俾番我，唔好俾人扲，唔駛俾人蝦。」
結果觀音大使咁回答我：
上個月，（我咁o既身世）居然有人同我借錢（「出住先啦」果D，但係條數唔關我事，我又冇份用），到月尾我睇唔到有得還，所以我問我幅塔羅牌我自己條數會點。
佢話都好難control，小心D啦！
果條數我諗今個月都未必收得番來……
望下自己盤數……唉，今個月最好豆都唔好買一粒。
今年係咪真係有人工加架﹖（我知某一D非與出版有關部門已經加左喇…）
Monday, May 01, 2006
放假真係好！
今日可以話介乎好返同未好返之間，感覺冇咁辛苦，但係食完藥腳仔軟……所以一起身就響度諗：「放假好定hold假好﹖」……
沖涼諗、擦牙諗、換衫諗、…最後決定搵人睇戲！(搵唔到就返工！)舒服晒！
去到車站，有兩位姐手姐腳o既妹妹仔，揹住兩個好大個o既背囊，響條樓梯度左搞右搞…原來佢地其中一個人帶左個好靚o既手袋，揹完個背囊就揹唔到個手袋，起世咁響度搞……佢地個背囊都好大個架，我諗應該係去camp(段估冇人帶個滿晒o既背囊去旅行掛…)，之但係你睇下佢地個樣……
行前面果個都好D，T恤牛記Converts，仲行得幾里路，後面果個就搞笑喇，佢件衫我睇唔到，不過佢著貼身牛仔裙同Dr. Martin lor唔該！條女一副戰鬥格，同佢一齊行果D人真係多得佢唔少，今晚都唔知幾點先扎到個營…，希望聽日寫稿唔好見到佢啦
！
十點半，急不及待打電話俾阿貓，估唔到佢又真係得閒，去買飛又唔駛排，齣戲又冇乜人睇，睇完食野又有位！哈！
齣戲完全係一級冇搞錯，淺得好緊要！之前睇影評寫到佢有幾好、幾多CG、幾多橋、幾多gag位……睇完有少少失望……英人係咁架喇……鬼叫我鍾意Emma Thompson同個細路仔，anyway，都可以入場睇，起碼睇完唔撖心口先。
食完野去行左一陣街，見就來七點就散啦。坐車去到大埔火車站，諗緊返屋企食乜，見到美心居然未收，就攞左我收藏多年張餅卡，要左四件貴餅同四件cheap餅，返到屋企狀態仲好好！
我同阿貓去睇戲之前行左一陣花墟，本來諗住買D花返屋企，只係走果時太夜同太攰喇，好彩有影相：
牡丹花(鬆左少少，有D似細個幼稚園做果D廁紙花！)
泰國﹖花(唔記得)，有香味架！
第一次影到相唔駛執
！