Wednesday, December 28, 2005
向左看‧向右看
早前知道要交「崗位表」果時，令我心裏面產生左強烈o既幻想：公司年尾要炒人！
我覺得公司實在要清一清冗員同瘀血！
我地出去做野o既人，識英文o既冇三分之一！普通話嘛，有D新移民，都仲可以。不過，唔識就係唔識，唔識都冇辦法啦，最多咪死頂，不過有人唔死頂，會突登遲到或者行慢人半步，跟住響人後面，扮俾人搶左風頭，人地一邊做，佢就一邊同其他人講，「英文我唔係唔得呀！不過我唔熟佢果瓣，費事人地當我冇料到…(下刪幾百字)」(當日，「出左風頭」果個人，識英文，但係對訪問者「果瓣」係一D都唔識，不過佢都完成到訪問，人地明佢問乜，佢亦明人地答乜。「被人搶左風頭」果個係冇精。)
做我地呢行，出去做野，有邊個唔會同心口有花o既人打交道﹖有邊個係會怕面矇﹖不過，有人一個有花o既人都唔識，一路以來都只係好彩咁o岩單野佢最近，俾佢食到糊。又係同一個人，我認為佢面皮出奇咁厚，但係佢從來都冇「追尾」(追問事主或者其他人)野做，唔知係咁o岩唔到佢，定係人地費事叫佢，我都收過佢D訪問料，十句有七八句都係話人地冇料到、求其答，只有兩三句係佢問到o既野。(咁o岩呢個同事又係冇精。)
我地，無論要唔要出街，都係全天候隨時候命，我認為比一般寫字樓要有自律，不過，我地部門除左八月前o既總務部之外，「射波率」係最高，(總務舊一批射手炒晒咁滯，新果一批唔太清楚)有人轉更果個月係咁病，有人返工時間要改果時係咁病，有公眾假期果個月有人係咁病，冇公眾假期果個月有人係咁病，有人每個月都病……(紅日病、調唔到假病……呢個都係冇精，我相信佢下一個月轉更都會病，仲會係咁病！)
當「炒人」呢個推敲性幻想響我腦裏面萌生左之後，我發現佢釋放出一種化學物質，令我入親公司大門之後，總係要望一望左手邊果個玻璃房，先至可以安安樂樂咁望番向右邊打卡。(左邊個玻璃房，平日係用來做會客，或者見工用。不過，當發覺打卡打唔到果時，即係話已經被人炒左果時，如果唔想企響個打卡機出面「擺到明俾人炒左」咁o既樣，入玻璃房係唯一最好o既選擇，起碼可以搏人地留意唔到房裏面有人。)我就係因為唔想錯過左呢個咁有價值o既歷史性一刻，所以我每日返工都刻意要望一望左邊排玻璃房。直至後來，有可靠消息話我地部門冇話要裁人(呢個消息真係激死我！)，我都依然繼續呢個習慣，因為炒D做錯野、做唔到野…o既人唔等如要裁人，至少我係咁希望。
星期三‧星期二
以前我好期待星期三，因為隻乳牛放例三，星期三我就會見佢唔到，我真係好唔鍾意佢，唔鍾意到見到都都唔開胃！
自從佢走左之後，我過左一陣安樂日子。
可惜，一個好乞人憎o既人走左，第二個好乞人憎o既人又出現——應該係話：當兩個差唔多乞人憎o既人排埋一齊，你會覺得第二乞人憎果個人冇咁乞人憎，但係當最乞人憎果個走左，第二乞人憎果個冇人將佢「比下去」果時，你就會真真正正發現佢真係好乞人憎！
坐響我旁邊果個糸工就係我認為第二乞人憎o既人！
佢又月巴、又唔靚、又貪心……
糸工放例二。
我而家每放完假返工，都期待星期二。
同時，我覺得我放例四都唔錯，因為冇精放例五，放完假返工永遠都有「好開始」o既感覺！
Monday, December 19, 2005
究竟點解會咁架﹖！
錯左唔係問題，改左，下次提住自己唔好錯返就得喇。
唔記得唔緊要，一定改得返。
但係，你o岩o岩先錯完又唔提住自己，下下錯左先來改，係唔會變成冇錯架！每錯一次再改一次，係唔會有進步架！咁樣等如你根本冇學到過野！
每次都提住自己先至會係冇錯！
我成日都係咁教自己D學生。
錯左唔係問題，錯左又冇學精先至係問題！
Friday, December 16, 2005
對唔住
對唔住，各位朋友，因為呢幾日好攰，冇晒心機，所以脫稿……剛才login果時，見到埋單果條數「0 post / 0 comment」，唉……
對唔住，銀包，因為我今日去左買野……
我講o既「買野」，唔係求其去買D野，去買飯、買餸、買用具、買屋企野…唔叫做「買野」，我o既「買野」係「出血」。
因為早排搬屋果時有部份衫霉左唔著得番，所以冬天一定要買衫。點解冬天要買﹖因為我夏天衫同冬天衫以體積來計係一樣咁多。
神鬼咁早起身，特登走去老尖間uniqlo，好彩出到村口剛剛有巴士，火車又有位坐，一個鐘頭車出到尖東，可惜係尖東站個設計真係玩野，明明跟住水牌行去彌敦道，一路行都係綠區，點知行到盡頭居然要轉起過左十度彎過黃區行到尾先到(見圖：紫色點係我行過o既路線)！早知我一早上地面行好過！！商業區根本就響紅磡站果邊，尖東站全部通去酒店區！咁酒店D遊客就哽係叫佢地坐的士啦，教識佢地坐火車地鐵，邊個去推動香港經濟﹖起果時又要改路，地面商舖做唔到生意，起完同響地面行條路一樣，但係有事想走又要行到盡頭先可以鬆人，有憂閉恐懼症一定唔可以響尖東站出，我坐巴士落錯站行都冇咁遠……起個尖東站其實係一個浪費！
講番uniqlo，而家減價都冇登廣告，加上我一點幾去，所以冇乜人，真係好！款都ok，不過唔係款款衫都會出九萬幾隻色，有平有貴……行左大半個鐘，揀左幾件心水：
灰色男裝粗粒fleeze有網胆$299；草綠色男裝fleeze T恤$79；粉紅女裝意大利半羊毛冷衫$149；米白色羊仔毛女裝樽領$149；另外買左幾對襪$79三對/四對(單色平D)。其實我想買件fleeze雙面外套$199(特價)，好多隻色，但係已經冇晒細碼(中、大同加大碼大把)……不過我後來去左西田，都買左件風褸連fleeze可單著外套胆$299(白色有幾條間，雜嘜，國貨，冇乜特別，冇同佢影相)，飽晒！之但係荷包纖左型……(其實果度D冷帽、頸巾、手襪、恤衫、牛仔褲、牛仔裙、羽絨褸……都好好，但係我屋企都仲有貨，所以就猛咁同自己講「夠喇！夠喇！唔夠襯先再買啦！睇下花園有冇平D！…」)
uniqlo仲有其他貴衫，真係可以幾貴，例如：$499冷衫，冇款，得幾隻色，cashmere(o茄士咩)，雙糧睇下可唔可以豪一件番來！
貓，你可以放工或者放假去行下，真係一家大細都有野o岩，仲有，果度D衫隻袖都幾長，話唔定你終於可以擺脫「吊手衫」o既宿命！
Tuesday, December 06, 2005
炖盅
前天約了小安安、安德魯和她的女朋友潘潘出來吃飯，是補祝安德魯的生日飯局。就慘喇！臨時臨急，要買到禮物！買什麼是想好了，是一個洋燭台，可一直都沒時間……就到當天了，剛好放假就到想好的那間店，誰知那間店的老闆突然發了財，全店裝修喇！唉……
只剩下個多小時，於是就到「行店」一號(我的「行店」，是到了一定找得上對方罵不得了你的東西。)——某大書店。找呀找…想找本好的圖冊，可是很多都過時似的，新的又很貴…買實用書﹖他一定說自己想的更實用…買烹飪書﹖他可是當正自己是大廚師…買工心靈書﹖他會說平時自己是教人的那一個…買件玩具﹖媽的！玩買也不平呀……怎樣才好﹖！
繼續找呀找，看到了日曆，心裏想：「就算他會這麼早準備，準不會家裏公司兩個地方，都找到兩個合心水的，因為他一定不會買兩一模一樣！」就挑一個好了。左看右看，想買紙飛機的，每天都可摺一隻來放，可是小安安在，不想讓他有話頭欺負她，就選了個「每日一個世上算最糗的事情」好了。走過兒童書架，看到「細眼雞丁」的遊戲書，雞丁的樣跟他蠻似，作為朋友，準要給大家(互給罷)帶一點歡笑，價錢又不太貴，何樂而不為﹖就一併買下了。
到了見面的地方，安德魯居然說我有禮物，奇怪我怎麼會有禮物﹖後來才知道是補回我六月生日的禮物！
那是一個電炖盅，他倆說是給我炖燕窩吃的…噯，我哪有錢買燕窩！不過炖雪梨還是可以，走的時候，發現有超市，就買了幾個雪梨回家。當晚就做了冰糖炖雪梨，不錯！
雪梨吃不完，今晚做了雪耳紅棗炖雪梨，滿甜的，連雪耳都吸滿糖水！
等雪梨吃完(還剩三個)，就試過木瓜！
Sunday, December 04, 2005
去咖排店做什麼﹖
剛剛在電視看了一齣電影，是辛康納利主演的《隔窗友緣》(Finding Forrester)。
戲內其中一段對白：
辛：你知道為什麼那些人都愛坐在咖啡店內看書嗎﹖
(對手)o靚仔：……(是答了一些「想要知識」、「想一個人」之類的話，但辛一一說「不」)……
最後，辛：是因為他們都想在那裏泡女！
我即時想起：前同事(某人情婦)——乳牛，她會跟人說自己愛在咖啡店看書的，說很有feel云云……
小安安，我看妳還是少些到咖啡店看書為妙，要不，妳只看課本好了(雖然妳一直都只是說妳看的是課本)……
說回電影的故事：
黑人少年是籃球健將，人亦十分聰明，巧合被人挖角到一間文化名校，目的只是要籃球隊奪魁，某日少年無意間認識了脾氣古怪、平日死不踏出家門半步的鄰居老伯，並發現他就是隱姓埋名的名作家，老伯與少年一見如故，並答應為他的功課給予意見，惟條件是不能向任何人透露他的任何事情(包括他的幫助)，少年受到他的啟發後，文學天份全發揮出來，並得到很大進步。某位從前已十分妒忌老伯的老師，見少年帶著老伯的影子，再次勾起他當年的妒忌心，將少年迫至面臨被退學……
結局嘛，當然是老伯鼓起勇氣到學校，耍了那個老師一場啦！
故事跟《女人香》差不多，但這個是輕鬆一些，對白寫得好，可以一看！
Friday, December 02, 2005
我的工作占卜
我問牌，我的工作在在未來會怎樣﹖我可以怎樣面對﹖
她答我：Page of Cups
A symbol of Imagination. May indicate a time for quiet reflection. Depending upon surrounding cards: a messenger bringing news of an engagement, marriage or birth. A reflective, poetic, quiet and artistic person, gentle and kind. A person with a wealth of knowledge, giving freely his advice. A person gifted with much foresight.
那是想像力的標誌。可以表示需要安靜反想的時期。取決於周環的卡: 有信差帶來定婚、婚姻或誕生的喜訊。反思、詩樣、安靜和藝術性的人，溫柔與善良。一個人有豐富知識的人，會自由地提出他的建議。一個天賦有遠見的人。
Sometimes it implies that your entire situation is suffused with the spirit of love and emotion. At such times, feel free to express and enjoy your feelings with light-hearted abandon.
有時又暗示, 你的整個情況是遍布以愛和情感的精神。這個時候, 就讓自己自由地表現出個性，和享受你輕鬆愉快地放任的感覺罷。
以上是兩個網頁的解話。我說：不是罷﹖