Sunday, October 30, 2005
病+投影機+飯局
病左好幾日，醫生話我感冒喎。SLD(SickLeaveDay)1公司就出左張通告，話流感肆虐，去冷氣地方記得著番件外套，又話如果員工不幸患上流感就要好好響屋企休息，仲要病假唔扣錢咁話。我同事第一時間話晒俾我知，我有一半開心咁啦……
我呢個年紀o既人小學果時，個個本健教書都會教「流行性感冒」，不過一直都冇人解釋過「感冒」係咪就即係「流行性感冒」(雖然查字典‘Flu’真係解流行性感冒)——感冒好易人傳人，交叉都可以感染，你話佢流唔流行﹖不過，我公司的「流感」病徵包括：發燒、支氣管感染、肺部感染…其他唔記得喇，但係我直覺咁係可以入院lor……
我正常體溫都低過人，血壓又偏低，病過好多次，自己覺得個頭熱到想死，結果點樣探熱都話我冇發燒…我都放棄左(同醫生討論呢個問題)好耐喇。另外，「感染」喎！哽係感染到先會病啦，之但係有幾多個醫生會響你個假表填「鼻腔感染(流鼻水)、喉部感染(喉痛)、氣管感染(有痰及咳嗽)…，所以斷為『(流行性)感冒』」﹖就算交去保險公司，又會有醫生寫病徵咩﹖
最後一個問題係，張假紙係控制室內面D人同我寫，佢地只係會寫「感冒」，咁到底我算唔算流行性感冒﹖
SLD2，屋企個男人訂果部投影機送到喇，佢火速同個朋友切好屋企D架安晒D機同喇叭，夜晚同小安安講開，咁就約左第二日來食飯睇戲喇！就係咁樣，我就一連煮左兩日飯(第一日飯，請看上一編blog。)。
和小安安的飯局，做了草菇牛肉(係呀，又係牛肉！)、炒蜆、番薯葉同埋粟米魚肚羹，食完之後，覺得好似煮少左……
跟住就睇戲喇！睇左Batman Begin，真係幾戲院feel。
at October 30, 2005 02:41 |
link |
comments (6) Thursday, October 27, 2005
又係蟹﹖
係，我又食蟹，不過今次係普通蟹。
去到街市，都唔知食乜好…屋企個男人defaut係食牛肉，其中一味唔駛諗——牛+菇+粟米荀(因為禽日買左茶菇，即係好似金菇但係啡色果隻)，另外要食菜，但係今日佢有個朋友來幫手，請埋佢食飯，點都要多個餸……好想食海鮮，但係我又唔想多工夫…魚﹖我唔係次次成功，費事冇面。蝦﹖好似懶得滯。…蟹﹖花蟹十八蚊斤，阿姐拾左七八隻，砰都未砰就話廿蚊，廿蚊就廿蚊啦，反正咁多都食唔晒。
花蟹，細細隻冇乜肉咁，就薑蔥炒啦！都未試過炒蟹，不過都唔會太難掛…
炒，真係唔難，難在炒之前的工夫——切件。好彩而家D蟹只係用兩條橡筋箍住兩隻鉗，咁我可以起蓋、挖腸、挑心、搣腮、破兩邊，最後剪斷條橡筋再拍碎對鉗就得，如果好似以前咁用繩綁我就一定蒸左佢就算。講好似好容易，但係到我做就真係唔係講笑咁辛苦，仲要我係好怕查住D會郁下郁下o既野果D人…鉗係郁唔到，但係其餘八隻腳都會郁，由起蓋開始，直到拍碎埋對鉗，隻蟹都仲可以郁…結果我搞左好耐先至克服到…
跟住，切蒽啦，切薑啦，燒熱隻鑊，落油，爆薑蒽、加鹽、落蟹，兜幾下，落生粉水，再兜幾下，加蓋焗幾分鐘，咁就有得食。冇出街食咁重味，不過都仲過得去。
最後都係食唔晒…食完飯搊緊肚皮之際，突然醒起，仲有豬頸肉未食！
at October 27, 2005 22:53 |
link |
comments (3) Tuesday, October 25, 2005
我個腦平日諗乜架﹖
| Your Brain's Pattern |
 You have a dreamy mind, full of fancy and fantasy.
You have the ability to stay forever entertained with your thoughts.
People may say you're hard to read, but that's because you're so internally focused.
But when you do share what you're thinking, people are impressed with your imagination. |
我都發覺我時常會發飆以的亂想東西……
例如：
我經常幻想在公司拿著一杯熱飲，有意無意的撞倒我不滿的同事，跟著當然是用手中的飲品給那人洗把臉。
我也常常在想中六合彩之後，錢要怎樣用：1, 阿雷、阿野和十九(他們都是男的，大慨不止三個，不過想不出了)，我會用錢叫人打他們——一定要打臉！還要帶一把剪刀和一隻狗，先要把他小弟弟清理(也要清袋呢)，然後(記著拍醒他)將之餵狗。本來我想過要賣他們到泰國做人妖(是剪了小弟弟再打女性荷爾蒙，最後變成上面有兩個奶下面只有兩個孔的半男不女)，不過要花一兩個月才見到「功效」，太慢了，所以就放棄了這個念頭。2, 阿牛、邪花(今次是女的)，我會叫人「服待」他們——找幾個猛男跟她們幹得欲仙欲死(我是說猛男喇！當然什麼花式我都不管。)，然後跟她們畫個大花臉(大慨會用刀)。有朋友的女朋友持著幾分醉意，就當街勾引我們的另一個朋友。當他告訴我這件事的時候我就教他：就跟她繼續飲，將她灌醉，然後拖她出馬路中心，然後拔腿就跑，又或者就放她在路邊，幫她脫一點點衣服…以後的事，沒有人會知，反正她只想找個人上床。
我好變態嗎﹖說起這些，令我想起一宗真人真事：
話說有一個婆婆對媳婦很無理，總是在找媳婦的碴。可是媳婦每次對老公訴說，只換來老公的責罵，懷疑是她沒做好本份，因為他母親在兒子面前就是一直的笑臉迎迎，還會當面教媳婦怎樣可以做得更好。婆媳之間的事全村人也知，偏偏就是為人兒子和丈夫的不知。可憐的媳婦，只可以一直在忍……直到很久之後，那婆婆還是一樣每天在找著碴…有一天，媳婦被罰沒得吃沒得睡，要到天台晒衫，當時她已幹了老半天的活，又累又餓，天台有曬吃的，卻只有辣椒，她就靈機一動！她將辣椒都弄碎，抺在洗濕的內褲(當然是婆婆的！)褲襠上。
衫乾了，收好，婆婆洗完澡就拿著那洗乾淨的內褲穿上，問題當然不是立即出現…洗完澡後，那話兒還有一點點的濕，慢慢將辣椒的「精華」溶了出來，起初只是有一點癢，婆婆就搔一搔，但是愈搔就愈癢，可是辣椒的熱力是倍增性的，而辣汁除了無色無味之外，還是交叉接觸也會拈到，婆婆之前的搔癢，其實已將辣汁搔到入「裏面」去了！她痛苦難耐，洗又洗不掉﹐(但辣汁是一種滿會拈卻洗不掉的東西)她又跳又叫，媳婦看了她一會後卻偏偏跑到老遠的地方買東西(或是什麼的，不記得了)。婆婆因為人品不好，鄰居平常都不愛理睬她，所以都不好意思向人家求助，而且「那話兒在『慶』」說了出來又顏面何存﹖婆婆只好忍，忍到到兒子回來就告訴他……
結果嘛，婆婆被送上白車。
媳婦呢﹖不記得了，就算她被告上法庭，你是法官和陪審團，你會定她的罪﹖你會重罰她嗎﹖
那是一則新聞，本地/內地就記不清楚了。
at October 25, 2005 02:35 |
link |
comments (2) Friday, October 21, 2005
於完假喇…
一天o既假期結束喇……其實根本冇放過假……放假，咪又係做……
每日返工，就係諗住點樣做野唔會俾人捉出去屌……有個中級見我成日俾人屌，久唔久會打電話來教我點可以寫好D，又會打開份報紙指住叫我睇邊度…又有某中層會brief我兩句…呢D先至係教我做野丫嘛！果條高層，凈係一味話唔好、編排佈局唔好、用詞唔好…唯一一句就係叫我自己睇多D報紙，完全冇講點會好D！大佬，你最少都講我點解唔好丫，你咁樣我我到野咩﹖！
佢早幾日唔知係咪聽到我響電話同人呻佢屌完又唔教，結果第二日就叫個大師父改編文，印出來自己改左兩隻字，拿過來叫我學下野。大佬，你叫我自己響部電腦睇番咪得lor！我識睇編文下面D號碼，我知道邊個改我編文架！改果兩粒字就話俾你o既，你咪玩啦！
at October 21, 2005 04:11 |
link |
comments Thursday, October 20, 2005
救命！
我部電腦成日開開下反「黑眼」——個畫面黑晒，剩得幾條訊號紋……
剛剛留得起兩千蚊來交下一期non-mean，諗住可以一個月還錢、一個月買衫，如果佢而家同我講佢要壽終正寢，我就真係打回原形……我唔想咁快就要洗左D錢呀！唔通我今年真係要唔聚財到年尾﹖仲有幾個月呀！
at October 20, 2005 01:27 |
link |
comments Sunday, October 16, 2005
佢好掛住我喎…
凌晨三點幾，個電話居然會響！
小安安、貓貓…班同事…都唔會咁夜啦！不過有可能會係響花旗國o既阿姨，都係快D聽啦。
「喂﹖」
結果傳來一把死狗聲「喂。」「…﹖」
「係我呀。」「下﹖你係邊個呀﹖」(因為試過好多次俾人玩電話，所以都係問清楚D好。)
「阻唔阻住妳呀﹖」「唔阻，不過你係邊個呀﹖」
「妳咁都唔認得﹖」「我唔認得呀…」
「我喎！…(突然之間有D緊張咁樣)xx，我好掛住妳呀…你掛唔掛住我﹖」「但係我都唔知你係邊個…」
「呢，我喎。」「我唔記得喇，咁多個…」(其實我意思係「咁多個朋友」，會搵番我o既男仔，真係唔多，不過我又真係諗唔到佢係邊個。)
「下﹖乜好多咩﹖…」「唔係，我意思係唔認得你把聲啫。」
「咁…妳訓左﹖我係咪阻住妳﹖」「唔係…」
「咁妳響度做緊乜野呀﹖」「但係究竟你係邊個呀﹖」(我本來想答佢『上網』，但係經驗話我知，佢可能係想講鹹野D變態佬，所以都係問多次…)
「妳真係唔記得我﹖」「唔記得呀…」
「…咁，好啦，算喇，唔阻妳喇，拜拜。」(跟住我「哦」左一聲就收左佢線。)
我真係唔記得。我唔記得佢把聲，唔記得邊個會叫我「xx」(我個名用疊詞形式叫)…但係我都好想知道佢係邊個(叫做安心D啦)，結果我焗住做左個表，將我改左呢個手機號碼之後o既男朋友列晒出來。
撇除反晒面(估佢都唔會仲想搵我)、正正經經/以為自己響我心目中好有地位(我估呢兩類人都會開電話號碼俾我知)，同埋熟到唔恨(唔會搞九年先話鍾意返我掛﹖)o既人，剩低兩個。
一個係「人馬座先生」，佢有前科鍾意又來又去，一時話好掛住就來搵我，然後唔到一陣又失踨，同埋佢屋企個電話defaut唔show號碼。
另一個係「法國人先生」，佢當年飛左我(係我引佢飛)之後，仲突登開個新icq account來扮係佢朋友，話佢為左「報仇」，突登同個好醜樣o既小學教師拍拖，仲叫我考慮同佢say sorry復合！我哽係啋佢都傻啦！仲有一個點解我要估佢o既原因係：佢份人好鬼鼠，打親電話來九成都唔會有來電號碼。
不過邊個都好，我而家都冇覺得唔開心丫，所以冇諗過好似以前咁拖多個喎。
(打完先醒起：仲有「小蜜蜂先生」…
諗起都想死！我諗唔會掛…佢只係識叫我「賴小姐」…)
at October 16, 2005 04:23 |
link |
comments (2) Saturday, October 15, 2005
看到好似好好玩：
書法測人格
|
For a graphologist, the spacing on the page reflects the writer's attitude toward their own world and relationship to things in his or her own space. If the inputted data was correct littlex has left lots of white space on the left side of the paper. littlex fills up the rest of the page in a normal fashion. If this is true, then littlex has a healthy relationship to the past and is ready to move on. The right side of the page represents the future and littlex is ready and willing to get started living now and planning for the future. littlex would like to leave the past behind and move on.
做人就哽係要咁啦！
|
|
littlex has a healthy imagination and displays a fair amount of trust. She lets new people into her circle of friends. She uses her imagination to understand new ideas, things, and people.
但了解之後，有可能會將他/她揮出圈外。
|
|
littlex is sarcastic. This is a defense mechanism designed to protect her ego when she feels hurt. She pokes people harder than she gets poked. These sarcastic remarks can be very funny. They can also be harsh, bitter, and caustic at the same time.
人不犯我；我不犯人。你/妳幾時會見我將D對我好o既人小到七彩﹖
|
|
littlex is a practical person whose goals are planned, practical, and down to earth. This is typical of people with normal healthy self-esteem. She needs to visualize the end of a project before she starts. She finds joy in anticipation and planning. Notice that I said she plans everything she is going to do, that doesn't necessarily mean things go as planned. littlex basically feels good about herself(哽係啦！). She has a positive self-esteem which contributes to her success(係唔係成功就未知，但係要我死就好多人話唔抵囉！). She feels she has the ability to achieve anything she sets her mind to. However, she sets her goals using practicality-- not too "out of reach". She has enough self-confidence to leave a bad situation(我又真係過過好多難關), yet, she will not take great risks, as they relate to her goals(算係啦). A good esteem is one key to a happy life. Although there is room for improvement in the confidence catagery, her self-perception is better than average.
|
|
In reference to littlex's mental abilities, she has a very investigating and creating mind. She investigates projects rapidly because she is curious about many things(係呀係呀！). She gets involved in many projects that seem good at the beginning, but she soon must slow down and look at all the angles. She probably gets too many things going at once. When littlex slows down, then she becomes more creative than before. Since it takes time to be creative, she must slow down to do it(係啦，就係唔快得！). She then decides what projects she has time to finish. Thus she finishes at a slower pace than when she started the project. She has the best of two kinds of minds. One is the quick investigating mind. The other is the creative mind. Her mind thinks quick and rapidly in the investigative mode. She can learn quicker, investigate more, and think faster. littlex can then switch into her low gear. When she is in the slower mode, she can be creative, remember longer and stack facts in a logical manner. She is more logical this way and can climb mental mountains with a much better grip.
|
|
littlex is secretive. She has secrets which she does not wish to share with others(少少咁啦). She intentionally conceals things about herself. She has a private side that she intends to keep that way, especially concerning certain events in her past.
|
|
littlex uses judgment to make decisions. She is ruled by her head, not her heart(一時時啦，睇下個腦入面set左乜野做defaut啦). She is a cool, collected person who is usually unexpressive emotionally(而家真係多左係咁). Some may see her as unemotional. She does have emotions but has no need to express them. She is withdrawn into herself and enjoys being alone. The circumstances when littlex does express emotions include: extreme anger, extreme passion, and tremendous stress. If someone gets her mad enough to tell her off, she will not be sorry about it later. She puts a mark in her mind when someone angers her. She keeps track of these marks and when she hits that last mark she will let them know they have gone too far(係，我一出聲就係死線！). She is ruled somewhat by self-interest. All her conclusions are made without outside emotional influence. She is very level-headed and will remain calm in an emergency situation. In a situation where other people might get hysterical, she has poise. littlex will work more efficiently if given space and time to be alone(當左手邊條姣西唔大聲講電話的話，我真係做得好D架！). She would rather not be surrounded by people constantly. In a relationship, she will show her love by the things she does rather than by the things she says(肯定係丫). Saying "I love you" is not a needed routine because she feels her mate should already know. The only exception to this is if she has logically concluded that it is best for her mate to hear her express her love verbally. littlex is not subject to emotional appeals. If someone is selling a product to her, they will need to present only the facts. They should present them from a standpoint of her sound judgment. She will not be taken in by an emotional story about someone else(哽係啦，我買人野關人叉事﹖). She will meet emergencies without getting hysterical and she will always ask "Is this best for me?" (我口頭闡係「係咪架﹖」)
|
|
People that write their letters in an average height and average size are moderate in their ability to interact socially. According to the data input, littlex doesn't write too large or too small, indicating a balanced ability to be social and interact with others.
算係咁啦。
|
at October 15, 2005 04:12 |
link |
comments 大家幫幫手！
有件事想大家幫幫手！事原我有個同事，佢有個好老婆仲出去收情婦，不特止，仲經常搵公司著數，有鑊氣就閃左去…佢情婦同一公司另一部門，仲衰！居然走去搞人地老婆！
條八婆個腦細轉數慢信佢，但係我果邊個老細就想做低佢，但係苦無證據，所以請大家幫幫手！
之前呢對姣婆脂粉客被人揭發搭上左不特止，個姣婆仲錄低自己同脂粉客做愛o既淫聲去騷擾人地老婆，居然可以俾佢用幾滴眼淚帶過，o的無能腦細信佢之餘，仲要當兩件事係一件事，仲冇warning letter！我地果邊老細就走去試個脂粉客，點知個脂粉客仲衰，話一定係人跣佢！老細苦無對證…
前日，公司又再收到匿名電郵爆料，講到明有記者利用公司車接載女友，仲響車裏面打野戰，又列埋時間同地點，叫老細查。點知有腦細即刻攞俾姣婆睇，佢就哽係唔認啦！但係，又俾人聽到佢即刻打電話同脂粉客夾口供！我地老細反而即刻搵人查開工表，細果查到時間地點脗合，只可惜又係苦無對證，冇得做落去…唉…
但係老細暗示過，一有證據就俾佢，所以請大家幫幫忙，行街見到有私家車(唔一定貼住報館名架！但係應該會有好幾個相機袋響車上。)，而車上有人打真軍又或打茄輪的話，請影低車內人物同埋車牌，跟手影多張附近建築物相，然後馬上俾張相我！多謝！
雖然做低佢兩個我唔會升職，但係至少做左件正義o既事！
at October 15, 2005 02:07 |
link |
comments
|
以下是轉貼蘇師父的文章：
偷 食 男 女
額 角 生 得 低 ， 代 表 其 人 意 志 力 不 足 ， 經 常 拿 不 定 主 意 ， 再 加 上 一 生 桃 花 多 ， 本 身 慾 念 旺 盛 ， 即 使 家 有 嬌 妻 又 或 有 個 好 老 公 ， 也 會 心 郁 郁 找 機 會 外 出 偷 情 。 如 果 面 相 擁 有 愈 多 以 下 介 紹 的 特 徵 ， 就 愈 容 易 惹 上 不 倫 戀 。
|
額 低 似 狐 狸 精
額 前 的 髮 腳 生 得 低 ， 而 且 參 差 不 齊 ， 會 容 易 喜 歡 年 長 的 人 ； 不 過 年 長 的 男 人 多 數 已 經 成 家 立 室 ， 一 下 子 把 持 不 住 的 話 ， 就 會 變 成 破 壞 別 人 家 庭 幸 福 的 壞 女 人 。
|
 |
|
眉 彎 勾 引 男 人
擁 有 彎 曲 眉 形 的 人 ， 性 格 敏 感 、 愛 美 、 感 情 豐 富 。 女 性 普 遍 屬 此 眉 型 ， 但 若 眉 彎 之 餘 ， 眉 尾 又 散 ， 每 每 主 動 出 擊 ， 將 喜 歡 的 異 性 搶 到 手 ， 得 手 後 便 拋 棄 。
|
 |
|
眼 細 有 男 人 緣
眼 形 修 長 而 細 ， 眼 頭 呈 少 許 勾 曲 ， 眼 睛 黑 白 分 明 而 有 神 ， 眼 帶 艷 光 ， 此 類 人 最 得 男 人 歡 心 。 一 生 桃 花 極 重 ， 即 使 到 了 四 五 十 歲 ， 桃 花 仍 不 斷 ， 有 咁 多 誘 惑 在 身 邊 ， 自 然 容 易 做 出 不 忠 行 為 。
|
 |
|
鼻 細 做 二 奶
鼻 樑 挺 直 ， 鼻 頭 尖 圓 ， 整 個 鼻 形 本 屬 正 常 ， 但 是 當 與 面 形 配 合 起 來 ， 顯 然 有 面 大 鼻 小 的 感 覺 。 擁 有 這 種 鼻 子 的 人 缺 乏 自 信 ， 事 業 有 成 的 男 人 對 是 她 依 附 對 象 ； 不 過 ， 這 種 好 男 人 大 多 已 婚 ， 所 以 也 只 有 做 人 家 的 二 奶 ； 即 使 刻 意 找 一 個 未 婚 男 人 談 戀 愛 ， 也 多 數 會 遇 上 對 她 不 好 的 人 ， 最 終 因 對 男 人 失 去 信 心 ， 索 性 做 人 家 二 奶 算 了 。
|
 |
|
下 唇 厚 熱 情 奔 放
上 唇 代 表 情 ， 下 唇 代 表 慾 ， 一 般 而 言 ， 女 性 上 唇 較 厚 ， 下 唇 較 薄 ， 代 表 有 情 有 義 之 相 ； 若 是 相 反 ， 上 唇 薄 、 下 唇 厚 ， 則 是 熱 情 好 色 ， 不 甘 寂 寞。
|
 |
|
淚 眼 天 生 淫 蕩
如 果 不 是 因 為 發 炎 而 眼 中 常 帶 有 淚 水 ， 就 屬 女 性 桃 花 劫 之 桃 花 眼 ， 這 種 女 性 情 感 易 為 他 人 所 動 ， 被 人 氹 兩 下 就 感 動 不 已 ， 以 玫 一 生 感 情 較 不 穩 定 ， 易 惹 三 角 關 係 ； 而 且 這 種 女 性 對 性 需 要 特 別 旺 盛 ， 也 因 此 特 別 容 易 出 錯。
|
 |
|
|
眼 白 帶 紅 無 定 力
普 通 人 眼 白 應 該 是 純 白 清 澈 ， 若 眼 白 帶 粉 紅 ， 平 時 即 使 有 多 果 斷 ， 遇 女 色 時 就 會 變 得 耳 仔 軟 ， 易 被 說 服 ； 一 生 易 被 感 情 所 累 ， 尤 其 在 35 - 40 歲 行 眼 運 時 ， 必 遇 一 個 鍾 情 女 性 ， 戀 情 亦 必 被 原 配 揭 發 ， 到 時 真 會 上 演 一 幕 家 變 。
|
 |
眉 彎 沉 迷 酒 色
眉 像 彎 月 ， 感 情 豐 富 ， 一 生 桃 花 較 重 ， 如 果 男 人 的 眉 彎 曲 且 眉 尾 散 亂 ， 便 是 嗜 酒 好 色 之 徒 。
唇 厚 性 慾 旺 盛
嘴 唇 過 厚 ， 代 表 熱 情 好 色 ， 注 重 原 始 慾 望 ， 如 再 加 上 主 慾 的 下 唇 比 主 情 的 上 唇 厚 ， 絻 對 是 好 色 之 徒 ， 一 個 女 伴 怎 足 夠 。
眼 肚 出 紋 熱 衷 追 女
眼 肚 下 有 一 條 紋 橫 伸 出 來 ， 延 伸 至 眼 尾 位 置 ， 一 生 都 愛 獵 艷 ， 喜 歡 主 動 出 擊 追 求 異 性。
魚 尾 紋 多 有 外 遇
眼 尾 多 紋 的 話 ， 是 妻 之 相 ， 很 難 和 老 婆 白 頭 偕 老 ， 有 外 遇 唔 係 出 奇 事 。
|
at October 15, 2005 01:40 |
link |
comments Friday, October 14, 2005
驚險的四隻半大閘蟹+復活
今年的黃油蟹已經錯過了，所以大閘蟹是不容有失。每一天無不在想……想呀想……但是總是沒有行動。地點是一個很大的問題：一‧所謂「老店」、「名店」都遠得可憐(其實是自己家住得遠)；二‧很多街市海鮮檔都有，但他們信得過嗎﹖三‧超市也不是每一間都有。而且，時間才是最大問題：一‧總是早不了起床，但就算早了，總不能坐一程車去買，坐一程回家再上班；二‧放工去的話，什麼店都收啦，買得個什麼﹖三‧趁吃飯時間去，也未必一定早得過超市叫賣的大嬸。就這樣，我每天都在輕嘆……
直至幾天前，想到可以早一點「放飯」去超市買了，再到小安安的家(她住得很近公司)借用電冰箱，待放工再去取。誰知又是趕不及大嬸……
今日放假，但是還是時間不及，所以就跟家裏的男人商量過要買，他一口就答應了。他晚上接我回家的時候，車裏已放著一包大閘蟹了。他說在某大超市(乞嗤島)買的，四十八元一隻，大嬸很落力的替他挑，所以他買了五隻，大嬸還送了一隻(她說那一隻半死不活，一會下班時就要掉)。就這樣，我們帶著六隻大閘蟹回家去了。
回到家先煮飯，跟著就幫蟹蟹洗白白了。從膠袋拿出來：第一隻，眼睛都不會動的了，應該就是大嬸送的。第二隻，第三隻…全部都會動，有些還在咀裏吹著波仔。好，洗白白開始，第一隻，擦了擦歸了西的仁兄(大嬸說：「哽係食公啦！」)…第二隻，一邊擦心裏一邊念著「很難擦得乾淨呢，有什麼方法可以解開他們，但又不會被鉗到或走失呢﹖」想著想著，手中的蟹兄突然不知從哪裏伸出雙「手」！水草的結鬆了！
結果嘛，我就乾脆燒一鍋熱水，向他們當頭照淋(是家裏的男人建議的)，他們沒有立即一命鳴呼，而是個個重傷，在洗碗盤中痛苦掙扎，為免他們死得太痛苦，我就給他們餵了一些花雕紹興酒，不久之後他們就陸續因為胸口或背部嚴重灼傷，反魂乏術。
最後，我為他們蓋上紫蘇葉和薑片，安放於蒸汽翻滾的熱鑊之中。
十多分鐘後，我就坐在大聽中，吃著吃著，家裏的男人嫌麻煩，就不吃了，我一個人對著六隻蟹。吃到第三隻，覺得要讓家裏的男人吃一點，就開始拆肉了，拆呀拆，但愈拆愈不對勁，肉質很散，試味吃一口，就是要吐！他又鹹又苦，應該是那大嬸的贈品了，不用考慮，我就將他安葬在垃圾桶了。幸好其他的都沒問題。
餘下的三隻都被拆肉，然後一口氣吃下(分了一點給家裏的男人，但他吃了幾口就說不要了)…嘩！那滋味真是難以形容！這樣我就吃下了四隻半大閘蟹。可惜的是，大嬸只會挑「生猛」的，五隻蟹中只有兩隻是中上品(超市的都不會有太大期望)。下一次一定要親自出馬！(只是不知何時有時間……)
吃了蟹之後，就安電腦了，終於可以上網！總算復活了！
at October 14, 2005 06:12 |
link |
comments Thursday, October 06, 2005
我復活喇！
係，我用番littlex喇！
其實我一直想好多人會睇到呢個blog，識下朋友仔…但係因為三幾隻死白痴上來亂咁留埋D懶係有point o既留言(但係又唔諗下自己幾無知、幾過時…)，搞到自己要改名、要摺埋…結果就好似跌左落個深淵咁…而家諗番真係好唔抵！
所以，我以後唔會收埋架喇！不過亦都唔會放過果幾個死白痴！哼！
at October 06, 2005 02:48 |
link |
comments (2) Wednesday, October 05, 2005
專欄
工作無聊，很多時會趁空閒時看一下報紙專欄，多看《生果》的，別的報紙不是不好看，只是有的太長，有的太深，有的太悶，有的太做作，有的是抄回來……總之，是不合口味。不過，有時因為時間太多或是「搶」不到報紙，都會看看其他的。
這天看到了翁靜晶的稿，我覺得部份是抄的喇，至少也有很多人寫過，但仍蠻有意思，就抄給大家看看：
「別相信男人在做愛時的承諾，這跟女人假裝出來的呻吟，沒有兩樣。」
捱打的孩子，多會流著眼淚求饒，承諾日後會服從、聽話。幾分是真，幾分是假，為求達到某一刻的目的，就露出某一種表現；過了大海，就是神仙。
春宵一度，男人多不會為女人的床上呻吟是真是假，作其秋後算帳；女人，卻會認真對待男人在床上的承諾。
……
後面的不抄了，因為我覺得寫得不好，不合這文章的邏輯。
我認為很對，給我呢，我還會加一句：
聰明男人分得出女人在床上呻吟的真假，會等一天一走了之；
愚蠢女人分不出男人在床上承諾的真假，只有等人不辭而別。
幸好我的男人平常都很專心的「幹活」……
at October 05, 2005 05:02 |
link |
comments (1) Saturday, October 01, 2005
我真的辦事不力﹖
今日，我被分配了一宗不會做大，但也很重要的新聞，於事我比平日的「濕」稿花多了心機。交稿後，由某位大師父批改，那是很好的事，某大師會打字，批了的文，在電腦一定有得看，那我就可以偷偷師了。
夜後，一名跟我算熟的中層拿著一份稿交給我，說：「嗱，妳睇下人地點改妳編文喇！」好奇怪，因為他重來不會用「高層」的語氣跟我說話，就算要說，他也不會用這樣的態度和用詞說。
看著看著…第一段改了一句(那是我真的沒想過這樣寫！)…數個地方被刪短了(噢！原來也可以這樣精簡。)…中間後一點，有一段被搬上了第三段(原來加在這裏會好一點嗎﹖)…其他都跟我寫的沒大分別。
看到師父漏了一個字，習我是一定會告訴他的，就拿著稿走過去了，誰知某高層一見到我就跟我說：「妳睇完應該學到野啦！叫妳睇番，就係想妳學下人地點樣鋪排個故仔，人地咁樣寫就好過妳好多喇。」
噢！原來是他叫某中層來的，我全都明白了！你是要「告訴」大家，「我是很沒用」。我嘛，當時就只好點頭認同(認差)(雖然我只認為是寫作手法，而不是思想錯亂的問題)。
唉，早知你要抽抨我，我已經有心理準備了，你又何苦急於一時呢﹖又或者，你要教人，可以不用踩得那麼狠。
如果你說我的起首寫得不好，或是文章可以精簡一點，我一定會服，但是我在二法取其一時你卻更說我「差很遠」，乎太過了罷﹖
at October 01, 2005 01:49 |
link |
comments (1) 對不起︰脫稿了。
真係太耐冇update自己個blog喇…
at October 01, 2005 01:19 |
link |
comments (1)
