Friday, September 16, 2005
買書
突然，有朋友很高興的跟我說，他在外地網站的特價場買到本地仍未減貨的貨品，計上郵費仍平宜一截，所以就上網看看…
給我發現這本書：
US$4.99，之前訂過書，郵費US$8 左右，如果多訂幾本，在某個重量之內，郵費就可以攤分了。如果還可以看到別的書，一定連它一拼買下，送禮自奉兩佳宜！嘻嘻！(不要跟即將結婚的朋友說啊！)
雜誌
曾經好喜歡看雜誌，什麼類型，封面不太醜的都會找來看，又試過在一個星期內將所有雜誌(時裝和娛樂的喇)全都買回來(真的花了很多錢呢！)。
後來，因為沒閒錢，沒時間，都沒有買了，只是有朋友或同事帶來，草草的翻一遍就算了。偶然也會突然覺得自己好悶，去買一本。
通常都會買旅遊或時裝雜誌，因為我可以透過它們望梅止渴。我沒有錢去旅行(坐飛機的那種)，也沒有很多餘錢去買衣服飾物，雖然是摸不到得不到，但看知過，總比未看過不知道的好罷﹖
早幾天買了一本時裝雜誌，翻開專欄編輯寫的手記，我突然心情一沉。他們寫的東西都很有性格，也很潮流，回看自己的作品，大多都只是寫每天發生的故事，沒什麼創作的，廣東話寫的亦好，白話文作的亦罷，就是一點都不跳脫。
我的用詞太單薄了，常識又不足，創意亦欠奉！經常是思前想後，老半天也完成不了，要不，就是言不盡意。說執筆忘字，我還真是「鞭長莫及」，真真正正，我是詞乾語澀，總而言之，技窮！
都怪自己太懶惰！
現在我開始反省：我應該繼續在這一個行業發展下去嗎﹖
Thursday, September 15, 2005
笑話——你《乜叉日報》響邊度架﹖
某同事今日收左單小火停電，所以係咁易都要打去人地管理處問下幾時會有番電。
「喂，我係《乜叉日報》架，你地今日咪有個火警，然後停左電o既﹖我想知道你地幾時會有番電呀﹖」
「下﹖你地《乜叉日報》響邊架﹖」
同事心諗，你唔係連我地咁大間報館都唔識掛﹖咁響邊又點﹖一不過佢都好好禮貌答左人地。「響乜叉果度lor。」
「下﹖響乜叉果度又關我地乜事﹖我地呢度停電，唔去影響到妳地果度咁遠架。」
@#$#$%^#^&@#%$%
同事呆左一呆「我地咁遠哽係唔會影響到啦！………(講左好大輪，對方先知道人地問緊乜)。」
加人工
老闆決定回來親自掌管業務，先大派月餅和禮券，然後台椅搬整齊，再實行慳電措施，無人關燈，冷氣調暖…人人歡迎，再來，早前因為「日本腦災」背著黑鍋走的三位同事，傳聞其中兩位高層級的復職了！今天，出了通告，又會有人工調整：表現優異者升職或加薪；表現平庸者按章不動；表現不濟者辭退了之。
這個可以是一個好消息，亦可以是一個壞消息。
對我來講，好消息是我還可以搏一搏；壞消息是我會繼續「按章不動」，亦有可能「辭退了之」。
把玩權勢的人走了，新的人事都合得來，可是他會比較想保住某位朋友(因為她之前被整過)，近來都將好東西派給她，希望她做齣好戲，可是真正想(和需要)要做齣好戲的人，是我。我也有被人整過，而且還整得很慘…我真的好想加薪，現在的人工，仍然很勉強。
以前簽我「不獲加薪」的某高層，為了支持自己上次並沒有偏袒某君，相信今次會簽「按章不動」給我。
新壓頂的高層，一向看事不對人(他們一直的樣子都表現出這個性格)，大慨會因為我沒有什麼發揮(都沒有接過好東西來寫)而建議「按章不動」，但他們一向都認為我們做得太少，或者有可能會趁機減一個人，如果真的要減，應該會是我罷。
你認為那是好消息，還是壞消息﹖十月尾前就會知道了。我已經打定輸數了。
Sunday, September 11, 2005
新人事
炒左班臭四之後，每日返工都感覺良好！雖然，有一個淫娃、一個仆街同最少一個廢柴咁好彩留得返響度，都無損我返工o既心情！
我地個淫娃(即係熟娃一號=乳牛)，火速又黐返埋舊愛果度不特止，仲成功扮到同以前班臭四冇啦lung，似乎可能短期內升到職。知道之後，當然個心係有少少酸，不過我同佢目標唔同，我只係想有人認為我做得野而睇得起我，有好多關係同人脈唔係唔好，但係好似佢咁段段關係都唔clean o既，終日一邊要掛住攻於心計，另一邊要忍受人地白眼，咁就辛乜苦啦！心口個title幾大都好，始終都會放工同退休，平日返工冇真心朋友，到放左工退左休，同自己有利益關係o既人會同人講感情就奇啦！
某契勾係成日左右逢源，咁又點﹖駛多份錢唔係問題又點﹖唔怕人講又點﹖唔驚老婆知又點﹖咪有病生唔到仔lor！
某十九咁o既西樣都仲有情婦對佢死心塌地，咁又點﹖老婆信佢好愛佢又點﹖外家係大靠山又點﹖日日有高檔享受又點﹖咪因為要留住D享受離唔得開個老婆同唔到情婦一齊lor，咪呢世都唔係自己打出頭lor。
熟娃係好多人(狗公)唔知點解受晒溝，咁又點﹖做人情婦仲話自己係「神交」又點﹖上到位升到職又點﹖咪冇朋友lor！咪做極都係情婦lor！一到人老珠黃或者改朝換代果時，咪好似「老屎彿」咁第一個俾人踢走lor！
Thursday, September 08, 2005
過了過了……
「派信日」今天去到尾聲，仲有兩封信，一封俾左個早更同事，另一個仲未知，可能放緊假掛……
鬍鬚返到工，冇事喎，話晒佢都係元老級，死唔去都唔出奇，不過個人就死晒狗咁，冇發啦，班契弟冇晒，隻牛又現實到秘，招呼都唔打個……唉……大家(我地)見佢咁，都冇特登埋去講D乜野，俾佢冷靜下，等佢開口先至答咀，都算係咁啦。
應該死果個都仲返到工……我放棄，今次啦，不過我本來就有計劃架啦！我亦都唔怕有人先整死我，因為經過呢一次，我己經唔怕死喇(應該係有隨時會死o既心理準備)！咁我就放長雙眼，睇下邊個死先！我出去，係海闊天空來架！但係人地出去，又要顧住要返塊面，又要顧住個情人(婦)…好辛苦架！
Wednesday, September 07, 2005
點解冇條契勾份架﹖
我果一關算過左，但係仍然好擔心男友o既「試閘」結果，仲有一個街口就到公司，佢就收到好朋友o既電話，同佢講「再見」喇……唉，佢根本就唔係乜野「黨羽」……
推門入去，再見到另一個廢柴同事坐左響見客房，而我倆亦試閘成功，開始覺得「金手指」總算有一點良知，跟住就開始諗：阿雷係咪響度收拾緊呢﹖係，冇錯，我真係認為阿雷呢條契勾應該走！叫佢做野又唔願，去到做野又求其，返到公司又作大亂吹(成日吹埋佢做新仔果幾單大野)，同人唔順就成日一句「同大佬講丫！」，再唔係就曬一句「好多高層都識我！」，發覺自己唔掂就走去黐住o的高層做假象……點知一上到去就見到佢同人吹水，佢居然冇事！炒左果條廢柴係佢好朋友來架，人地上到來執野同佢打個招呼，就居然點下頭就算，野都唔同人講句！你睇佢幾現實！(之前光頭同十九走，都係冇人同佢地講野，都有人話大家現實，不過佢地真係一個朋友都冇仲兼夾到處得罪人，冇人過去彈鬼佢地都偷笑啦！仲話人現實﹖)哼！我真係放長隻眼睇佢幾時死！
結果今日有五個(三個早更的外派員)，據聞仲有兩封信因為「物主」放假未有人收。
Tuesday, September 06, 2005
唔聲唔聲，原來係今日！
十一點多，我男友的電話響個不停…當他聽完大約第三四個電話後，我問發生了什麼事，原來肥仔和四哥都收到電話——被炒了！因為大家仍在迷迷糊糊的狀態，滿以為公司對我們這麼服務周到，居然炒人會先打個電話！﹖(後來才知道，是放假的人才會收電話。)
再睡多一會，我真的睡不著，不是因為怕下一個會是自己，而是：下一個會是誰呢﹖可以有很多可能性，最理想就是「鬍鬚、光頭、十九」組合，但是若果「金手指」只是不喜愛四哥，那怎麼辦﹖四哥走十九留，十九就算不升職亦會助大勢力，以他那副「先小人再利己」的小人性格，留下來的人一定沒有好日子過！那是功勞全被人蓋過，黑鑊分分鐘要替人揹的日子……你叫我怎睡得著﹖
電話一個一個的撥，就是沒有人可以解答得到……只有消息一個傳一個，傳聞一個疊一個……
兩點，少奶和小紅試閘成功，但她傳來了另外兩個喜訊：光頭和老屎忽都要走了。心裏暗笑：那還好，少了一個直接出面畫黨分派的人，新的大佬或者可以鎮得住十九。老屎忽嘛，自己認精學懶不特止，還教人學她一樣，早就該走人！
三點，回到停車場，阿雷的車早就在了，噢，他也知道，不約情人(婦)去吃飯麼﹖呵…有一點點為他擔心……推門就見到十九了，他似在說著電話，一見我就閃開，不打招乎也不想對視，我就知道他一定試不成閘了！果然，幾分鐘後就見到他收拾了，他的那位情人(婦)見到他走進玻璃房，亦去「了解了解」，可能是氣氛不對(她不會是以為大家都會在替十九不值罷﹖他平日實在得罪太多人了！當然都沒有人跟他說話啦！)，她很快就坐回位。「同行」還有完全不關什麼事的某同事，真可憐……我呢，坐在椅上久久不能定下來，因為愛耍權的人都走了，實在太興奮，興奮得差點昏倒過去(不是誇張，我的確有點眼花和對焦困難…)！
至於餘下那一個，有傳走有傳留，都沒有必要理會了。
到自家餐館，想買一個東西喝，冷靜一下，一進門就見到阿雷的情人(婦)——淑娃。她又是一對眼斜斜的矋著我，哼！我理她才怪！不過，再看真一點，她的表情好緊強呢！好像在等(怕)我會上前說過什麼似的…哼！我才什麼都沒有想跟她說！後來小球告訴我，她都在套人家炒人的風，好為他的情人(夫)打探一下，哼！人家告訴他才怪(更何況都沒有人知道)！
「清理」過後，新大佬(還沒有為他想到名字)就跟我們打字的開會了，他的用詞不太記得清楚，但意思就是：你們這堆就告一段落，不是沒心留的，不會有事(這次啦！)；態度囂張、似老賣老、擅用特權…的人都不會留(指走了的人)；以往的「認精學懶」約定俗成壞習慣(全都是老屎忽很愛耍的把戲)一個都不能留…
後來新大佬又跟另一批同事開一次會，大慨也在派定心丸罷，不過其中一個同事卻在下班前一刻收到通知，得收拾走了。之後，有一個駐外的同事中途回航——收信了……
還有消息，明天有十個，只是有一點擔心…。
P.S.：自家餐館的小弟也走了，以後沒人跟我聊天了。
Monday, September 05, 2005
第三者
我發覺女仔好易會做人第三者，又或者咁講：好多第三者都係女仔。
我認識左個朋友，佢都未拍過拖，第一次見到個鍾意o既男仔，點知佢有女友…唉，呢個都已經係慘，但係個天仲好似嫌佢唔夠咁，正當佢抌緊心口果時，個男仔突然追佢，仲話個女朋友貪威識食早就想飛佢咁話…個女仔就哽係受唔住人地攻勢落左搭啦！問題係：1,個男仔未必飛得成佢現女友。2,個男仔好喉擒(都係聽個女仔講，加埋我見過佢幾次o既感覺)。個女仔一邊信住佢先，一邊等佢，一邊響度煩腦…唉！俾我呢個「老手」呢，我第一件事即刻將佢發配邊疆，叫佢自己搞掂條女先返來搵我，又或者即刻變得同佢一樣，出去繼續識男朋友，搵到個好o既就放晒佢飛機！但係，個女仔係「新手」，我唯有教佢記住要保護自己啦。我好坦白咁同佢講：「妳一定要有自我，認為過份o既野一定唔可以應承，真係要先保護自己，唔好咁早上佢屋企喇(我知佢地約緊，話要試下個男仔煮的飯喎…我就認為個男仔食完飯一定上床！呢句我都有話俾個女仔聽！)」
我有個朋友，佢識左個男仔，同事來的，好有好感，相處左好耐，感情都唔差，只係一直都冇發展，因為佢自己有男朋友，而且「同事」呢個身份真係玩唔過，加上生活同工作其實可以係好兩個世界…所以兩個人日日就好似老死咁，每次見到面都精神爽利，但係又絕冇超過友誼o既接觸……日復一日，好耐之後，個女仔終於同自己個男友分開左，個人就更加開心，不過都係因為以上兩個原因，佢都係冇同個男仔發展，兩個人仍然繼續係好朋友。不過，個男仔後來知到佢單身之後，態度就親切左好多，可惜百密一疏，佢有女友o既秘密都俾個女仔知道左，咁個女仔就哽係keep住做朋友算啦，後來仲遇到個好鍾意o既男仔拍拖添！本來呢個結局都唔錯，但係有一日，個男仔借故將個女仔摟住…當然就係地下情展開啦！個女仔都冇諗住同自己男朋友分手，更冇諗過要拆散人地(佢話除非feel到個男仔係好認真，兼且條件好得過現任啦)，後來又試到對方口風應該唔會咁易飛(得)甩個女友，就更加放心！就係咁，兩個人好快活咁得閒出下街、拍下拖…我對佢地冇乜意見。
我又有兩個同事，個樣都幾純情架，(算)呃得下人(啦)。佢地兩個都分別俾男同事追求，亦都有人提示過佢地果兩個男同事其實係結左婚，兼夾九成九唔會離婚果隻，但係兩個女仔都係冇理，係都要做第三者。好老實，無論幾開放都好，「第三者」點都唔會係好野，唔想俾人講就真係千祈唔好俾人見到！不過，兩個女仔似乎都好鍾意有人見到，成日都好出位咁要同事有意無意知佢有個(咁o既)男朋友！本來，我(諗好多人)都可以好似面對上面果個case咁，唔理就算，但係麻煩o既係：果兩個女仔成日要俾人見到，但係聽到人講又要嬲，人地講到口攰唔講啦，佢又要搵D新野撩地人地要講……玩咩﹖所以，我(同好多同事)都好唔鍾意佢地兩個。
遲到之迷
阿雷自從媾掂「上網組」位「淑女淫娃(叫自己做淑女的淫娃)」之後，三朝唔埋就約人地食午飯…「陣間見啦！」兩點鐘，日日如是。大家睇佢地好開心咁，其實，最開心果個應該係小球，冇人周之無日係咁摨佢要陪人出街食飯…嘻嘻！
阿雷三點返工，約淑女淫娃(個名太長，以後就改叫「淑娃」啦！)兩點食飯其實係掰掰緊，但係人地又要扮「經遲」成日都遲出門口，遲左都係要食番夠一個鐘…如事者，阿雷幾乎每日都遲到…今日最過份，遲左二十分鐘！
當我個心因為幻想緊佢幾時會因為遲到而離開我地而高興o既時候，有人行埋去佢度同佢講：「乜你咁準時走﹖你遲到架喎！」點知阿雷好大聲咁答：「唓！我一點十就打左卡妳唔知呢！」
哦！原來係咁！哼！不過我地「聽天尤命(望天打掛)組」係唔同計法的，你地睇住我幾時嬲嬲地整封告密信佢就死十次都唔夠！等佢遲多一排啦…嘻嘻！
Saturday, September 03, 2005
新的一陣風
902了，我都可以如常出入公司的閘口，大家都放下了心頭大石…我在想：913之前都不會罷！
到少奶放工的時候，她靜俏俏的走過來，說新的風吹到：高高高層似乎要幹一幹人工(太)高的一班人，那麼，我就一定不入圍啦！
我還是拭目以待！因為無論是我還是別人，那一天都必定會有好戲看！
Friday, September 02, 2005
秘密
心裏面多了一個秘密，加上之前未清的，現在有兩個了，好辛苦，怎麼辦﹖
本來想等「過氣」的時候，將早前一個秘密吐出來，可是那度「氣」還未過，新的一個就壓上來了。
新的一個還不可以講，因為那個秘密的關係網有重疊啦！！！
那兩個秘密，都在我的秘密花園裏。雖說那是「公眾」地方，但真正的地點我還沒有告訴過人呢……沒有人安慰、指罵…仍然是沒有出口。
901
三點多，打電話給少奶，她說各個同事仍然「安好」。
九點多，少奶打電話來，說她和小紅到外邊逛街，等回到公司過閘就知道了…還有，她說四哥的臉整個下午都是黑黑的，反之十九就開心到出晒面！
十一點多，少奶放工打電話來，報告整日風平浪靜，所以猜說「壓後」的傳言也許是真的。
已經沒有那麼怕了，但還是希望913之後罷，因為不想被人克扣大假。
Thursday, September 01, 2005
就是831﹖
就是這一天嗎﹖
雖然是已作最壞打算，但仍然是好緊張！
回到公司，過閘順利，第一關過了。(不過，早兩個月有人在收工一刻才收信，還不能作準…)
工作…工作…還是沒異樣…(但又有人說會是901…)
吃完飯，快十一點了，見到水吧大佬，好奇怪，他六點就收工，為什麼還見到他﹖我的疑問很快就被解答了——他說：「回來收信，被炒了。」，他的兩個兄弟一樣…
晴天霹靂！他後台那麼強勁，想不到會有這個下場(還是首一個呢！)……跟他談了一會，原來是有更強勁的高層要有朋友想做廚房！唉，大慨以都不會有好東西吃罷﹖(我在水吧可是有「優惠」的呢！)
……
直到放工，還是沒有事情發生。然後就跟水吧大佬大夥兒的去唱K散心。